سال به گذري ويو
مُنھنجو سال به گذري ويو،
تو ته شرابن مان ڍئو ڪِيو هو،
شان شبابن مان ڍئو ڪِيو هو،
ڪڪڙ ڪبابن مان ڍَئو ڪيو هو،
تو پئي بچايو اوبر جيڪو،
سو ته ڪُتن ڪانگن پي کاڌو،
مون به اُنھيءَ مان پيٽ ڀريو هو،
مُنھنجو حال ڏسي هي ڪڏهن،
تو کي رحم ته ڪونه ٿي آيو،
تو وٽ بخمل بستر ڪيئي،
مون وٽ ليڙون ليڙون پوتي،
تُنھنجي رات رنگيلي آهي،
مُنھنجي رات آ لڙڪن واري،
جِيوَن واري جھول ۾ آخر،
توکي خوشيون ٽھڪ ڏئي،
مون کي درد جا تحفا ڏئي،
تُنھنجو سال به گذري ويو..!!
مُنھنجو سال به گذري ويو..!!
✤✤