نعت
تنهنجو حسن و جمال ڇا چئجي
ڪاريگر جو ڪمال ڇا چئجي
سهڻو آ حرف حرف سهڻي جو
ميم حَئَيَ ميم دال ڇا چئجي
آه قران هڪ ئي آيت ۾
مُصحفِ رخ تي خال ڇا چئجي
سر ته باطل اڳيان جهڪيو ئي نٿي
لاش ٿيو پائمال ڇا چئجي
سونهن کي ڏس زبان کي بند رک
حسن آڏو مقال ڇا چئجي
شعلهءِ طُور جو سَٽيل ’زخمي‘
تو ۾ ئي ڏسي جمال ڇا چئجي
خال: شاعريءَ ۾ خال تر کي چئبو آهي. آيت لاءِ ة يا ھ مقرر ٿيل آهي تنهن ڪري تر کي آيت سان تشبيهه ڏبي آهي ۽ رخ کي مصحف سان ان ڪري ڪابه غلط فهمي نه ٿيڻ گهرجي