سڄي رات روئي سُتي نينگري،
لڳي اک نہ جيسين لُڇي نينگري.
ڪري ياد ڪنھن کي ڪچيءَ ننڊ مان،
ڀَري ڇِرڪَ تڙپي، اُٿي نينگري.
اِھا چاندني چار گهڙيون ٿئي،
ڪري روشني وٺ رُڳي نينگري!
سوين درد سانڍيو ھَلِي ٿَي وَتي،
مگر ڪونہ ڪنھن سان ڪُڇي نينگري.
وئي حالَ اوري زماني وٽان،
اسان جا پتا سڀ پُڇي نينگري.
رُڪي زندگي ھُئي اُنھي روڊَ تي،
جتي واٽ ويندي رُڪي نينگري.
سموري جهان کي جهڪائي وئي،
جڏھن ديدَ تنھنجي جهڪي نينگري!
وئي نيٺ وَرَ جي ھَٿان مارجي،
اڙي ديسَ! تنھنجي دُکي نينگري.