(ڪاوش اخبار جي نانءُ)
آهي نانءُ نرالو، ڪاوش
دشمن جي لئه ڀالو، ڪاوش
دَرِ، دَرِ، پُهچي يار وڃي ٿي
ظلم خلاف آ، تالو، ڪاوش
ٻاٽ ۾ لاٽ جو ڏيئو بڻجي
هر جا ڪري ٿي اجالو، ڪاوش
لوڪ ادب جي آهي نگھبان
هُمرچو ۽ هوجمالو، ڪاوش
گيت لکي ٿي بيداريءَ جا
سنڌو ديش حوالو، ڪاوش
بَڙَ جي ڪنهن ٿڌڙي ڇانو مثل
نٽهڻ اُسَ ۾ جهڙالو، ڪاوش
پياسن جي پياس ڪري ختم ٿي
پيار، پريم جو پيالو، ڪاوش
ڇو نه اکين تي ”حَسنَ“ رکان مان
شاهه جو آهي رسالو، ڪاوش