شاعري

صحرا مون ۾ ساھہ کڻي ٿو

’’صحرا مون ۾ ساهه کڻي ٿو‘‘ جديد سنڌي شاعريءَ جي رنگن جي عڪاسي ڪندڙ اهڙو مجموعو آهي، جنهن جي فڪر تي ڪنهن جي ڇاپ ناهي بلڪه امر ساهڙ جي ٻوليءَ جي ٻه رنگي ڍنگ سبب منفرد اسلوب طور ڏسجي ٿو. هُو گهٽ لکيو پر سٺو لکيو جي پيروي ڪندڙ شاعر آهي، جنهن جي هر هڪ تخليقَ پنهنجي جوهر ۾ سگهاري ۽ وڻندڙ آهي.
  • 4.5/5.0
  • 5545
  • 1095
  • آخري ڀيرو اپڊيٽ ٿيو:
  • امر ساھڙ
  • ڇاپو پھريون
Title Cover of book صحرا مون ۾ ساھہ کڻي ٿو

ڪَجل ڪاري ريههَ جيان،

ڪَجل ڪاري ريههَ جيان،
موهي ٿي مون کي،

سُرمئي شام مِٺيءَ جي.
سَورجَ لامُن مان لاهي،
سوهي ٿي مون کي،

سُرمئي شام مِٺيءَ جي.
ڳوڙها ميڙي ڳلن تان،
ڳوهي ٿي مون کي،

سُرمئي شام مِٺيءَ جي.
ڇوليِءَ وانگر ڇُلڪائي،
ڇوهي ٿي مون کي،

سُرمئي شام مِٺيءَ جي.
رَههُ اڄوڪي رات امرَ
ڊوهي ٿي مون کي،
سُرمئي شام مِٺيءَ جي.