ليئو ٽالسٽاءِ

Author Name

روسي فلاسفر ليئو نڪولائيوچ ٽالسٽاءِ 9 سيپٽمبر 1928ع تي، ماسڪو جي ڏکڻ ۾، ياسنايا پوليانا ۾ پيدا ٿيو. سندس گھراڻو، زميندار ۽ عزت وارو هو. 9 سالن جي ڄمار ۾ سندس پيءُ گذاري ويو، تنهن ڪري ٻين مائٽن سندس پرورش ڪئي. سندس تعليم لاءِ فرانس ۽ جرمنيءَ جا استاد مقرر ڪرايا ويا. 16 سالن جي عُمـر ۾ کـيــس ڪـازان يونيـورسٽـيءَ ۾ داخـل ڪرايو ويـو، جـتـي هن پهرين لـسانيات ۽ پوءِ قـانـون جــي تـعـليــم حاصل ڪئي. 1847ع ۾ ٽالسٽاءِ ڊگري وٺڻ کان سواءِ ئي تعليم اڌ ۾ ڇڏي، فوج ۾ شموليت اختيار ڪئي. 1852ع ۾ جابلو قبيلن سان جنگ هلندي ٽالسٽاءِ پنهنجو ناول (آتم ڪٿا) ”ٻاروتڻ“ (Childhood)، مڪمل ڪيو. ان کان پوءِ ان ناول جي تسلسل ۾ هـن ٻه ٻيا ناول ”بوائي هُڊ“ (Boyhood) ۽ ”يُوٿ“ (Youth) لکيا. 1856ع ۾ ٽالسٽاءِ ”سينٽ پيٽرڪ برگ“ موٽي آيو ۽ اتي اچي هارين جي تعليم ۾ دلچسپي وٺڻ لڳو. 1862ع هن پاڻ کان 18 سال ننڍي ڇوڪريءَ ”سونيا انڊريو نابرس“ سان شادي ڪيائين، جنهن سندس زندگي ۾ وڏو انقلاب آڻي ڇڏيو. انهيءَ دور ۾ ٽالسٽاءِ فڪري طور ان اصول جو ٿي چُڪو هو ته ”زندگي کي فطرت جي بخشيل سادگيءِ موجب گذارڻ کپي، اجائي چالاڪيءَ کان پاسو ڪرڻ گھرجي. سندس ناول ”جنگ ۽ امن“ (War and Peace) ۾ اهو ئي مرڪزي خيال ڪارفرما آهي. سندس مشهور ناول ”اينا ڪيرينا“ 1877ع ڌاري مڪمل ٿيو. جنهن ۾ هن پنهنجي مذهبي نظرين جو دفاع ڪيو آهي. 1896ع ۾ هن ”فن ڇا آهي؟“ (What Is Art?) ۽ ”نيٺ ڇا ڪجي“ (What Then Must We Do) لکيا. سندس آخري تصنيف ”قيامت“ هئي. جيڪا هن 1900ع ۾ مڪمل ڪئي. روس جي هن عظيم مفڪر، ناول نگار ۽ فرانس جي فلاسفر ”روسو“ جي معتقد ليو ٽالسٽاءِ 1910ع ۾ ماسڪو ۾ وفات ڪئي.

سنڌسلامت ڪتاب گهر تي ليئو ٽالسٽاءِ جا ڪُل 1 ڪِتاب موجود آھن


ليئو ٽالسٽاءِ جا ڪتاب

جنگ ۽ امن، مصنف : ليئو ٽالسٽاءِ

ھي ڪتاب صِرف پي.ڊي.ايف ۾ موجود آھي
جنگ ۽ امن
مصنف : ليئو ٽالسٽاءِ
2023 - 2016 سنڌ سلامت ڪتاب گهر
حق ۽ واسطا محفوظ