حليم باغي

Author Name

سنڌي ٻوليءَ جي مزاحمتي شاعر حليم باغيءَ جو اصل نالو عبدالحليم ولد محمد سومار ساند آهي. هن 13 مارچ 1963ع تي تاريخي ڳوٺ روحل واءِ لڳ عمرڪوٽ، ضلعي ميرپورخاص ۾ جنم ورتو. ابتدائي تعليم پرائمري اسڪول حاجي ڪالي خان کوسي ۽ ثانوي تعليم گورنمينٽ هاءِ اسڪول عمرڪوٽ مان ورتائين. ايم. اي (سنڌي) ۽ بي. فارميسي، سنڌ يونيورسٽيءَ مان ڪيائين. بي. ايڊ ۽ ايم. ايڊ پڻ (95- 1996ع ۾) سنڌ يونيورسٽيءَ مان ڪيائين. سندس مامو جمن دربدر پڻ شاعر آهي. اهڙيءَ طرح ڄڻ تہ شاعري حليم باغيءَ کي گهران ئي ورثي ۾ ملي. هن 78- 1977ع ڌاري شاعري شروع ڪئي. غزل، نظم، وائي ۽ بيت هن جي پسند جون صنفون آهن. حليم باغيءَ جا نظم مزاحمت ۽ رومان جا شاهڪار آهن، جن سنڌ جي ڪيترن نوجوان شاعرن کي متاثر ڪيو آهي، پر عام پڙهندڙن کي بہ اهي ڏاڍا پسند اچن ٿا. حليم باغيءَ جو نالو جديد سنڌي شاعريءَ ۾ نوجوان ٽهيءَ اندر نمائنده شاعر طور مڃيو وڃي ٿو. سندس شاعريءَ جو مجموعو ”اڙي شھرِ جانان“ ٽي ڀيرا شايع ٿيو آهي. حليم باغي هاءِ اسڪول عمرڪوٽ ۾ H.S.T آهي. سندس ڳوٺ ’روحل واءِ‘ ۾ ضلعي انتظاميه ’حليم باغي لئبرري‘ قائم ڪئي آهي.

سنڌسلامت ڪتاب گهر تي حليم باغي جا ڪُل 1 ڪِتاب موجود آھن


حليم باغي جا ڪتاب

اڙي شهر جانان !، ليکڪ : حليم باغي

ھي ڪتاب پي.ڊي.ايف ۽ ٽيڪسٽ ۾ موجود آھي
اڙي شهر جانان !
ليکڪ : حليم باغي
2021 - 2016 سنڌ سلامت ڪتاب گهر
حق ۽ واسطا محفوظ