بيدل مسرور جا ڪِتاب

سنڌ جي نامياري فنڪار، موسيقار، شاعر، ڪهاڻيڪار، ڊراما نگار، مترجم ۽ نقاد، بيدل مسرور بدويءَ جو اصل نالو بيدل بخش مسرور آهي. هن 11 جولاءِ 1947ع تي شڪارپور ۾ جنم ورتو، تعليم ايم. اي سنڌي اٿس. هن ايم. اي سنڌيءَ ۾ ”شڪارپور جي لئبريرين ۾ رکيل ڪتابن جو ڪيٽلاگ عنوان“ سان مونوگراف لکيو، بيدل مسرور جو ٽيليويزن ڪارپوريشن'>پاڪستان ٽيليويزن ڪارپوريشن سان واسطو رهيو آهي ۽ پي ٽي وي ڪراچي سينٽر تان سينيئر پروڊيوسر طور رٽائر ڪيو اٿس. هن ميوزڪ ۽ ڊرامن جي پروگرامن تي چار عدد گولڊ ميڊل ۽ پي ٽي وي اوارڊ حاصل ڪيا آهن. سنڌي موسيقيءَ کي جدت ڏيڻ ۾ هن جون تمام وڏيون خدمتون آهن. خاص ڪري شيخ اياز، امداد حسيني، استاد بخاريءَ ۽ ٻين وڏن شاعرن جي شاعريءَ کي هن نون سرن ۽ پنهنجي ڪمپوزيشن ۾ ڳائي سنڌ ۾ وڏو مقام حاصل ڪيو آهي. سندس تصنيفن ۾:
راڻي (ناوليٽ: 1971ع)،
ڀوڳنا جو سفر (ڪهاڻيون 1988ع)
چاهتن جي ٽِواٽي تي ۽ آءِ لو يو (ٻه جاڙا ناول: 1999ع)
سپنن جو سنسار (ترجمو: 2007ع) ۽ بيدل نامو شامل آهن.

سندس تاليف ڪيل ڪتابن ۾ ’ڪليات مسرور‘ ڀاڱو پهريون (2007ع)، ’هير رانجهو‘ (فقير غلام علي مسرور جي مثنوي) شامل آهن.

تحقيق، تاليف ۽ ترجما:

• بيدل نامو (سرڪار بيدل سائينءَ متعلق فقير مسرور جو چيل ڪلام) فيبروري 2000ع
• ڪليات مسرور (حصو پهريون) مسرور پبليڪيشن ڪراچي، مارچ، 2000ع.
• فوائدالمعنوي، (سرڪار بيدل سائينءَ جي تصنيف فقير مسرور جو ڪيل ترجمو، مسرور پبليڪيشن ڪراچي، 2001ع
• پريم ساگر (فقير مسرور جو اردو ڪلام) مسرور پبليڪيشن ڪراچي جولاءِ 2005ع.
• سپنن جو سنسار (ڪتابي صورت ۾) سنڌي ادبي بورڊ ڄام شورو، اپريل 2007ع.
• ڪليات مسرور (حصو ٻيو) سنڌي ادبي بورڊ ڄام شورو 2010ع.
• سپنن جو سنسار: ايمل گوٿيئل جي انگريزي ڪتاب جو سنڌي ترجمو سنڌي ادبي بورڊ ڄام شورو 2007ع
• مثنوي هير رانجهو (فقير مسرور جي لکيل مثنوي) سنڌي ادبي بورڊ ڄام شورو، جنوري 2007ع
• رانول رمزن وارو (بيدل سائينءَ متعلق لکيل مقالن جو مجموعو)، بيدل يادگار ڪاميٽي روهڙي، آڪٽوبر 2011ع.
• شهيد حق (اردو، سچل سرمست جي فارسي ڪلام ۾ حضرت حسين بن منصور جو ذڪر) سچل چيئر، شاه عبداللطيف يونيورسٽي خيرپور، ڊسمبر 2011ع.
• چيڪلو (ڪرشن چندر جو ناول) نئون نياپو اڪيڊمي ڪراچي نومبر 2013ع.
• پيار جو ٽڪنڊو (سهوڳي ناول) هند جي نَون ليکڪن جو سهڪاري ناول، نئون نياپو اڪيڊمي ڪراچي اپريل 2014ع.
• پيار جو گيت (ڪرشن چندر جو ناول: ايڪ وائلن سمندر ڪناري) نئون نياپو اڪيڊمي ڪراچي نومبر 2015ع.
• قيامت نامو (فقير مسرور جو ڪيل شاه رفيع الدين جي ڪتاب جو ترجمو) ڊسمبر 2015ع
• راڳ جي شرعي حيثيت: (فقير مسرور جو ڪيل، امام غزالي جي ڪتاب احياءُالعلوم جو ترجمو)، سنڌي ٻوليءَ جو بااختيار ادارو حيدرآباد، فيبروري 2016ع
• سلطاني سهاڳ (فقير مسرور جا طبعزاد ۽ ترجما) مسرور پبليڪيشن ڪراچي، جون 2016ع
• مسدس مسرور عرف هيرن جو هار،، تصنيف: فقير غلام علي مسرور، مسرور پبليڪيشن ڪراچي سنڌ، آڪٽوبر 2019ع.
• تون ئي منهنجو محور آن (بينا مسرور جي شاعريءَ جو مجموعو) مسرور پبليڪيشن ۽ مرڪ پبليڪيشن ڪراچي سنڌ 2020ع.
• ڪلام واليڏني فقير جو (فقير مسرور جو گڏ ڪيل واليڏني فقير جو ڪلام) مسرور پبليڪيشن ڪراچي (اشاعت هيٺ).