يوسف جميل لغاري سنڌي ٻوليءَ جو ڪهاڻيڪار ۽ نثر نويس آهي. يوسف، ڳوٺ حاجي محمد اسحاق لغاري، ٺري ميرواھ ۾ جميل احمد لغاريءَ جي گهر، پھرين جنوري 1994ع تي اک کولي. بنيادي تعليم ٺري ميرواھ مان مڪمل ڪرڻ کان پوءِ شاھ عبداللطيف يونيورسٽيءَ مان ايم.اي اردوءَ ۾ ڪيائين. يوسف جميل سنڌي ادبي سنگت شاخ ٺري ميرواھ ۾ سيڪريٽريءَ طور ادبي سرگرميون جاري رکندو اچي.
يوسف جي سڃاڻپ ھڪ ڪھاڻيڪار، نثر نويس ۽ ڪالم نگار طور آھي، ان کانسواءِ ڪجھ شاعري پڻ ڪئي آهيس. سندس شاعري، ڪهاڻيون، ڪالم، مضمون ۽ ٻيون کوڙ لکڻيون مختلف معياري سنڌي اخبارن ۽ رسالن ۾ شايع ٿيل آهن. چانڊوڪي رسالي سٿ پاران سندس ڪتاب ”ڪاغذي ڳالهيون“ تي کيس ايوارڊ سان نوازيو ويو آهي. سنڌ ايجوڪيشنل فورم خيرپور پاران کيس بهترين استاد جو ايوارڊ پڻ مليل آهيس. ٺري ميرواھ جي ڀرسان ڳوٺ حاجي محمد اسحاق لغاري ۾ قائم اسڪول ۾ پيشي جي لحاظ کان بطور هڪ استاد طور علمي خدمتون سرانجام ڏئي رهيو آهي.
سنڌسلامت ڪتاب گهر تي يوسف جميل لغاري جا ڪُل 6 ڪِتاب موجود آھن
