علي زاھد

علي زاھد سنڌي ۽ اردو ٻوليءَ جو مشھور ليکڪ، شاعر، ڪالم نگار ۽ صحافي آھي. علي زاھد جو پورو نالو زاھد علي عباسي آھي. ھيءُ 15 آگسٽ 1973ع تي دادو ضلعو جي خيرپور ناٿن شاھ تعلقو جي تاريخي شھر خانپور ۾ پيدا ٿيو. ھن پرائيمري تعليم پنھنجي شھر مان حاصل ڪئي. مئٽرڪ، انٽر کان پوءِ گريجوئيشن پڻ ڪيائين. ان کانسواءِ ڊپلو ما پڻ ڪيائين. علي زاھد لکڻ جي شروعات ننڍپڻ کان ڪئي. علي زاھد شاعر، ليکڪ ، ڪالم نگار، صحافي ۽ سماج سڌارڪ طور خدمتون سرانجام ڏنيون آھن. سندس شاعري، معياري اخبارن ۽ رسالن ۾ شايع ٿيل آھي. ھن ڪالم لکڻ جي شروعات جاڳو اخبار کان ڪئي. ان کان علاوہ  روزاني ھلچل، سچ، سنڌو، عبرت مئگزين، سنڌو ڊائجسٽ، تعمير سنڌ، سوڀ ۽ ڪاوش اخبار ۾ 2000 کان وڌيڪ مضمون۽ ڪالم لکي چڪو آھي. روزاني شام ۽ ھلچل ۾ سب ايڊيٽر، روزاني سچ، سنڌو ۽ تعمير سنڌ ۾ ايڊيٽوريل صفحي جو انچارج بہ رهيو. پاڻ ڪاوش اخبار ۾ ايڊيٽوريل صفحي جو انچارج پڻ رھيو آھي. ھن سماج سڌارڪ طور سنڌ ۽ پنجاب ۾ ڪيترائي اسٽريٽ ٿيٽر ڪري ماڻھن ۾ سجاڳي آڻڻ جي ڪوشش پڻ ڪئي آھي. علي زاھد اسٽيج تي ڪيترن ئي ڊرامن ۾ بہ ڪم ڪري چڪو آھي. ھن ڪي. ٽي. اين تي ھڪ ڊرامي ’هوءَ اڪيلي' ۾ مرڪزي ڪردار ادا ڪيو. علي زاھد اردو زبان ۾ پڻ شاعري ڪئي آھي ۽ سندس ڪتاب سھيڙيل آھن.
سندس ڇپيل ڪتابن ۾ 1. ناچڻي (شاعري) 2011ع، 2. وٺي ھر هر جنم وربو، (جمن دربدر جي جيون ڪٿا) 2021ع ۽ 3.   عدم کان اڳتي (شاعري) 2022ع شامل آھن.
علي زاھد کي ادبي خدمتن عيوض ڪتاب ”ناچڻي“ تي زخمي چانڊيو ايوارڊ 2012ع ۽ لٽل بڪ ڪمپني پاران ڪتاب ”وٺي ھر ھر جنم وربو“ تي بھترين ادبي ڪم طور اوارڊ 2021ع مليا آھن.