سنڌ سلامت ڪتاب گهر پاران ڪتاب ”رسالو سچل سرمست“ اوھان اڳيان پيش آھي.
هيءُ رسالو سنڌ جي نامياري صوفي شاعر حضرت سچل سرمست رح جي سنڌي ڪلام تي مشتمل آهي، جيڪو نامور اديب ۽ عالم عثمان علي انصاريءَ مرتب ڪيو آهي. رسالي ۾ عثمان علي انصاريءَ ’عرض حال‘ جي عنوان سان رسالي جي تياريءَ بابت جامع تفصيل ڏنو آهي. رسالي جو مقدمو مرتب جو لکيل آهي. رسالي ۾ ’حقيقة الوجود‘ ۽ ’وحدة الشهود‘ جي عنوانن سان عثمان علي انصاريءَ، سچل سرمست جي مڪتبه فڪر جي ضخيم سمجهاڻي ڏني آهي.
عثمان علي انصاريءَ جي مرتب ڪيل هن رسالي جا ٽي ڇاپا شايع ٿي چڪا آهن، رسالي جو پهريون ڇاپو 1958ع ۾ سنڌي ادبي بورڊ ڄام شوري ڇپائي پڌرو ڪيو. ٽيون ڇاپو گل محمد تنيي سنواريو آهي، جيڪو 1997ع ۾ روشني پبليڪيشن ڪنڊيارو پاران ڇپايو ويو آھي. اسان ٿورائتا آھيون ”وتايي جي گهر“ ۽ ”پڙھندڙ نسل (پَن)“ جا جن ھن ڪتاب کي پي ڊي ايف ۾ محفوظ ڪيو.


محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com

نوٽ: ھن ڪتاب جي صرف پي ڊي ايف ڪاپي موجود آھي