جيل گهاريم جن سان

سنڌ سلامت پاران

سنڌ سلامت ڪتاب گهر پاران ڪتاب ”جيل گهاريم جن سان“ اوهان اڳيان حاضر آهي. ھي ڪتاب نامياري ڪھاڻيڪار ۽ ليکڪ طارق اشرف جو لکيل آھي.
طارق اشرف جي جيل جي اندر وارن سياسي ساٿين بابت خاڪا آھن. انهن ۾ سردار شير باز خان مزاري، رسول بخش پليجو، مير رسول بخش ۽ جنرل شيروف سميت ڪل ٻارھن ماڻھن بابت خاڪا آھن. رسول بخش پليجي واري خاڪي ۾ صفائي سٿرائي، ننهن وڌڻ، بوٽ پالش ۽ اھڙن ٻين معاملن تي تفصيل سان لکيو اٿس. بهرحال ھي خاڪا طارق جي ساٿي سياسي قيدين جي عادتن ۽ ذات بابت آھن ۽ دلچسپيءَ کان خالي نه آھن.
طارق اشرف کي ”اظهار جي آزادي“ جي ڏوهه ۾ ٻه ڀيرا جيل ۾وڌو ويو. پهريون ڀيرو 1975ع ۾ جيڪو عرصو ٻاويهن مهينن تي ٻڌل هو، جنھن ۾ ھن ڪيترائي ڪتاب لکيا جهڙوڪ: ٻاويهه مهينا جيل ۾ (ٻه ڀاڱا)، جيل گهاريم جن سان، اڌ ملاقات، ميرو ڌاڙيل (جيڪو هڪ ڌاڙيل مير محمد لانگاهه جي حياتي جو احوال آهي).
ھن ڪتاب جو پھريون ڇاپو 1997ع ۾ ڇپيو جڏھن تہ ٻيو ڇاپو سڳنڌ پبليڪيشڻ لاڙڪاڻو پاران 1983ع ۾ ڇپايو ويو. اسان ٿورائتا آھيون وتايي جي گهر جي دوستن جا جن ھن ڪتاب کي اسڪين ڪري پي ڊي ايف ۾ محفوظ ڪيو.


[b]محمد سليمان وساڻ
[/b]مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com

[b]نوٽ: ھن ڪتاب جي صرف پي ڊي ايف ڪاپي موجود آھي[/b]