دل جو رستو (رومانوي غزل)

سنڌ سلامت پاران

سنڌ سلامت ڪتاب گهر پاران چونڊ جديد سنڌي شاعرن جي رومانوي غزلن تي ٻڌل مجموعو ”دل جو رستو“ اوھان اڳيان پيش آھي. ڪتاب جو مرتب اسحاق سميجو آھي. ڪتاب ۾ شيخ اياز، نارائڻ شيام، استاد بخاري، ايم ڪمل، امداد حسيني، مخدوم طالب الموليٰ، وفا ناٿن شاھي، ذوالفقار راشدي، ارجن حاسد، تنوير عباسي، آثم ناٿن شاھي، محسن ڪڪڙائي، ارجن شاد، وفا پلي، علي محمد مجروح، واسديو موھي ۽ اياز گُل جا غزل ۽ سندن تعارف شامل آھي. اسحاق سميجو لکي ٿو:
”ھن مجموعي ۾ موجود اڪثريتي شاعري ڪنھن گهڙيءَ ھوا بڻجي اوھان جي دل جي وڻن سان گفتگو ڪندي تہ ڪڏھن خوشبوءِ بڻجي حواسن جا در کڙڪائيندي ۽ اوھان ان جي اھڙين حرڪتن کي ڏسندا ئي رھجي ويندئو. ھن مجموعي ۾ شامل غزلن جي ھڪڙي خوبي اھا بہ آھي تہ اھي تخيل ۽ تخليق جو بي مثال سنگم آھن. اھي دماغ جي نہ، دل جي ترجماني ڪن ٿا.“
ھي ڪتاب 2003ع ۾ روشني پبليڪيشن ڪنڊيارو پاران ڇپايو ويو، جنھن جي اسڪين ڪاپي حاضر آھي. اسان ٿورائتا آھيون پڙھندڙ نسل (پ ن) ۽ وتايي جي گهر جي دوستن جا جن ھن ڪتاب کي پي ڊي ايف ۾ محفوظ ڪيو..


[b]محمد سليمان وساڻ
[/b]مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com

[b]نوٽ: ھن ڪتاب جي صرف پي ڊي ايف ڪاپي موجود آھي[/b]