ھنگلاج ۽ لاھوت

سنڌ سلامت پاران

سنڌ سلامت ڪتاب گهر پاران نامياري اديب، محقق ۽ تاريخدان بدر ابڙي جو لکيل تحقيقي ڪتاب ”ھنگلاج ۽ لاھوت“ اوھان اڳيان پيش آھي.
ھنگلاج ۽ لاھوت ٻئي مذھبي، روحاني ۽ عقيدت جي حوالن کان مشھور آھن ۽ ٻنھي سان ڪيئي ڪھاڻيون، قصا ۽ ڏند ڪٿائون مشھور آھن. انھن ئي ڏند ڪٿائن جي پسمنظر ۾ بدر ابڙي ھي سفر ڪري مشاھدا ماڻي ۽ ڪيترن ئي ڪتابن مان معلوماتي مواد گڏ ڪري ھي تحقيقي ڪتاب لکيو آھي. ڪتاب ۾ انھن پوتر ماڳن بابت جيڪي بہ ديومالائي ڪھاوتون، ڪھاڻيون، ڏند ڪٿائون يا نيم تاريخي وقعا کيس معلوم ٿيا سي قلمبند ڪيا اٿس. ھن ڪتاب کي 36 بابن ۾ ورھايو ويو آھي. 11 بابن ۾ ھنگلاج ديوي ۽ انھن جي ياتار جو احوال آھي، 7 بابن ۾ لاھوت لامڪان جو ذڪر ۽ 8 بابن ۾ مختلف قومن ۽ ملڪن جا ”تخليق“ بابت رايا ۽ خيال ۽ پوين ٻن بابن ۾ سنڌو ماٿري جي ڏند ڪٿا ۽ ڪن طاقتور ھستين بابت معلومات لکي اٿس. ان واٽ تي موجود تيرٿ جون جايون ۽ تڪيا جيڪي بہ مليا اٿس اھي ڪتاب جو حصو آھن.
ھي ڪتاب 1991ع ۾ سنگم پبليڪيشن ڪراچي پاران ڇپايو ويو، جنھن جي اسڪين ڪاپي حاضر آھي. اسان ٿورائتا آھيون پڙھندڙ نسل (پ ن) ۽ وتايي جي گهر جي دوستن جا جن ھن ڪتاب کي پي ڊي ايف ۾ محفوظ ڪيو..


[b]محمد سليمان وساڻ
[/b]مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com

[b]نوٽ: ھن ڪتاب جي صرف پي ڊي ايف ڪاپي موجود آھي[/b]