سنڌ سلامت پاران
سنڌ سلامت ڪتاب گهر پاران نامياري شاعر شيخ اياز جي شاعريءَ جو ڪتاب ”الوداعي گيت“ اوھان اڳيان پيش آھي.
شيخ اياز لکي ٿو: ھي ڪتاب مون انگلينڊ وڃڻ کان اڳ لکيو ھو. ان جو عنوان ”الوداعي گيت“ مايوسيءَ جي عڪاسي ڪري رھيو آھي، پر مون ان وقت ايئن سمجهھيو ھو تہ مان سچ پچ ھن رنگا رنگ دنيا کي الوداع ڪري رھيو آھيان جا مون روئيندي نہ پئي ڇڏڻ چاھي، ڳائيندي پئي ڇڏڻ چاھي ۽ جيڪي گيت پنھنجي زندگيءَ ۾ پئي ڳائڻ چاھيا ۽ اڃان نہ ڳاتا ھا سي ٻيءَ زندگيءَ لاءِ بچائي رکيا ھا، پر قدرت کي منھنجي شاعريءَ سان ايترو عشق ٿي ويو ھو جو ان مون کي ايتري توانائي ڏني جو مون چئن ھارٽ اٽيڪن جي وچ ۾ چار ڪتاب لکي ورتا.“
ھي ڪتاب 1998ع ۾ نيو فيلڊس پبليڪيشن حيدرآباد پاران ڇپايو ويو، جنھن جي اسڪين ڪاپي حاضر آھي. اسان ٿورائتا آھيون پڙھندڙ نسل (پ ن) ۽ وتايي جي گهر جي دوستن جون جن ھن ڪتاب کي پي ڊي ايف ۾ محفوظ ڪيو..
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي