وريا واھرو
عبدالواحد آريسر جو لطيفيات جي موضوع تي لکيل منفرد ڪتاب ”وريا واھرو“ اوھان اڳيان پيش ڪجي ٿو، جنھن ۾ شاھہ لطيف جي فڪر کي اجاگر ڪيو ويو آهي ۽ لطيف تي هڪ نئين رخ کان نظر وڌي وئي آهي۔ آريسر صاحب لکي ٿو: ”مون لطيف کي، پنهنجي گھٽ علم ۽ عقل آهر ائين سمجھيو آهي ۽ انهيءَ پروڙ جي روشني ۾، آئون ڀٽ ڌڻي ڪن بيتن ۽ بيتن جي سِٽن جي سمجھاڻي لکي رهيو آهيان. ظاهر ڳالهه آهي ته اِهو منهنجو نقطئه نظر آهي ۽ انهيءَ نقطئه نظر موجب مون هي رنڊا روڙيا آهن.“