نيلسن منڊيلا جي ڪھاڻي

ڏکڻ آفريڪا جي گوري اقليت جي نسل پرست حڪومت خلاف، جيڪا رنگ ۽ نسل جي بنياد تي قائم ھئي، اتان جي مقامي ڪارن رھاڪن جي جدوجھد، تاريخ جو ھڪ اھڙو بابت آھي، جيڪا ھن دنيا ۾ جيسين انسان جيئرو رھندو، وڏي عزت ۽ احترام سان ڏٺي ويندي. جتي ھزارين ماڻھو قتلام ٿيا، ڪي ڦاسين تي چڙھيا اتي نيلسن منڊيلا جھڙي سياستدان 27 سال جيل ۾ رھندي بہ تحريڪ کي ماٺو ٿيڻ نہ ڏنو ۽ ڪڏھن بہ نہ جهڪيو، ۽ نيٺ ڪاري رات ختم ٿي ۽ کيس آزاد ڪيو ويو ۽ ڏکڻ آفريڪا جي ڪاري رنگ وارن آزادي حاصل ڪئي. نيلسن منڊيلا کي ڏکڻ آفريڪا جو صدر چونڊيو ويو ۽ ھن تاريخي فيصلا ڪيا. ھي ڪتاب ان عظيم انسان جي آتم ڪٿا آھي، جيڪا انگريزيءَ ۾ Long Walk to freedom جي نالي سان شايع ٿي ھئي.