سنڌ سلامت ڊجيٽل بوڪ ايڊيشن سلسلي جو نئون ڪتاب ”صحرا جي ڀاڪر ۾“ اوهان اڳيان حاضر آهي. ھي ڪتاب نامياري شاعر رحيمداد جوڳيءَ جي نثري نظمن جو مجموعو آھي.

هڪ حساس ڪوتاڪار جي روپ ۾ رحيمداد جوڳيءَ جا سڏ پڙاڏا ان وقت احساسن جي صليب ڀاسين ٿا جڏهن سندس قلم جي جنبش ڪاغذي ڪئنواس تي پنھنجا رنگ ڇڏي هر پڙهندڙ اکڙين ۾ گهر ڪرڻ لڳن ٿيون، سونھن، سڪ، پرت، پيار، وڍ، وڇوڙا، موھ، ميلاپ، چاھ ۽ چاشني جي من کي ڇھندڙ احساساتي لمس يا تڙپ هن ڪتاب ۾ شامل هر نثري نظم جي ڪنھن نہ ڪنھن ڪنڊ ۾ ليئاڪا پائيندي نظر ايندي. ڪوتاڪاڪ جي رمتي جوڳيءَ رحيمداد جوڳيءَ جا نثري نظم سندس اندر جو اهڙو آئينو آهن، جن ۾ ڪٿي نہ ڪٿي اسان پنهنجو اولڙو بہ پسيون ٿا تہ معاشرتي منفي ۽ مثبت پھلوئن کي ڳولي بہ لھون ٿا.

هي ڪتاب سمبارا پبليڪيشن حيدرآباد پاران 2018ع ۾ ڇپايو ويو. مھرباني يوسف جميل لغاريءَ جي جنھن ڪتاب سنڌ سلامت لاءِ ايميل ڪيو. مھربانيون رحيمداد جوڳيءَ جون جنھن ڪتاب سنڌ سلامت ڪتاب گهر ۾ اپلوڊ ڪرڻ جي اجازت ڏني.

مينيجنگ ايڊيٽر ( اعزازي ) 

سنڌ سلامت ڊاٽ ڪام

sulemanwassan@gmail.com

www.sindhsalamat.com

books.sindhsalamat.com