ڪارريون ھاشيون

ڊاڪٽر روشن گولاڻي اسڪولي زماني کان ئي سٺيون ڪٿائون ۽ ڪھاڻيون مختلف اخبارن ۽ مخزنن ۾ لکندو رھيو آھي. انھن مِني ڪھاڻين مان چونڊ ڪھاڻيون ڪتابي صورت ۾ شايع ٿيون آھن. ھي ڪٿائون/ڪھاڻيون، گهر، ڪٽنب، سماج، سياست، ڪاروبار، نظامي بندوبست، زور ظلم، دھشت، سماجڪ اوڻائين جا چٽا عڪس آھن ۽ ڦڙو ڦڙو ڪڙي سچ سان ڀرپور آھن. ھي ڪٿائون پنھنجي وقت، ماحول جي دل جي ڌڙڪن آھن، ٻولي سرل سپڪ ۽ سمجهڻ ۾ سولي آھي. ھنن ڪٿائن ذريعي ليکڪ زندگيءَ جا نفي چاھي شفي عڪس پسايا آھن، جنھن مان سندس گَھري اڀياس ۽ سجاڳ، ذھني پاٺڪ ھجڻ جو ثبوت ملي ٿو.