تاريخ ريگستان

سنڌ سلامت ڪتاب گهر پاران ٿرپارڪر جي نامور استاد ۽ تاريخدان، رائچند هريجن جي تاريخي تصنيف ”تاريخ ريگستان“ اوھان اڳيان پيش آھي، جيڪو سندس ورهين جي مطالعي ۽ نور نچوڙ جو نتيجو آهي.

هي ڪتاب ٿر جي مفصل تاريخ آهي. ڪتاب جو پهريون ڀاڱو سترهن بابن تي مشتمل آهي. باب پھرين ۾” ٿر ۽ پارڪر جو طبعي گهاٽ ۽ پراچين حالت“ بابت، باب ٻيو ٿرپارڪر جي راجپوتن بابت، باب ٽئين ۾ ٿر ۾ سومرن جي حڪومت، باب چوٿين ۾ ٿر ۾ سوڍن ۽ راٺوڙن جي حڪومت بابت، پنجين باب ۾ سومرن جي حڪومت جو اوائلي دور، باب ڇهين ۾ سومرن جي حڪومت جو پويون دور، باب ستين ۾ سوڍن جي حڪومت، باب اٺين ۾ پارڪر جي حڪومت، باب نائين ۾ ڪلهوڙن جي حڪومت، باب ڏهين ۾ ٽالپرن جي حڪومت، باب يارهين ۾ انگريزن جي حڪومت، باب ٻارهين ۾ پاڪستان جي حڪومت، باب تيرهين ۾ ٿرپارڪر جا مکيہ ڳوٺ ۽ آدم شماري، باب چوڏهين ۾ ٿر ۾ رهندڙ قومون، باب پندرهين ۾ ٿرپارڪر جي معاشي حالت، باب سورهين ۾ ٿر جا رواج ۽ رسمون، باب سترهين ۾ ٿر جي تهذيب ۽ تمدن بابت مواد شامل آهي. آخر ۾ ضميمي طور” ٿر جو وسڪارو“ جي عنوان هيٺ ٿر ۾ پوندڙ برسات جو احوال ڏنل آهي. 

ھي ڪتاب سنڌي ادبي بورڊ، ٻن ڀاڱن ۾ ڇپائي پڌرو ڪيو آهي. پھريون ڇاپو 1956ع  ڇپايو ويو. ٻنھي ڇپيل ڀاڳن کي ملائي ان جي پي ڊي ايف ڪاپي شيئر ڪجي ٿي.

مينيجنگ ايڊيٽر ( اعزازي )

سنڌ سلامت ڊاٽ ڪام

sulemanwassan@gmail.com

www.sindhsalamat.com

books.sindhsalamat.com