آخري پنا

ھيءَ آتم ڪٿا ھڪڙي اڏول ماڻھوءَ جي آتم ڪٿا آھي، جنھن زندگيءَ ۾ پنھنجن ھٿان ڪيترا دفعا دوکا ۽ دولاب رسندي بہ پاڻ کي ڪڏھن بي حوصلو نہ ڪيو. ھن ڳنڀير ۽ ڪٺن حالتن جو ڏاڍي مڙسيءَ سان مقابلو ڪيو آھي. ھو انساني رشتن ۾ سڀ کان ويساھ رکندي بہ بار بارانھن رشتن ھٿان ڏنگجي ٿو، ڦٽجي ٿو ۽ زخمجي ٿو، پر ان ھوندي بہ نا اميد نٿو ٿئي، نہ انساني رشتن مان، نہ انسانيت مان. ھو ھر سِٽ ۾، ھر جملي ۾ پُراميد آھي. ھن جي سڄي آتم ڪٿا ۾ ”سنڌ“ ۽ ”مڌو“ نمايان آھن ۽ ٻنھي کي ھن سڄي زندگي چاھيو آھي.