جي تو بيت ڀانئيا

شاھ عبداللطيف ڀٽائيءَ جي شاعريءَ ۾ ھڪ وڏي شاعر جون سڀ صفتون موجود آھن. ھن پنھنجي نياپي کي ڪمال ڪاريگريءَ سان لفظن جو لباس پارائي عام تائين پڄايو آھي. ڀٽائيءَ اعليٰ مقصد کي عاليشان فن سان سنڌيءَ ۾ آڻي نہ فقط پاڻ کي پر اسان جي ٻوليءَ کي پڻ ھميشہ لاءِ جياري ڇڏيو آھي. ھن ڪتاب ۾ ڀٽائيءَ جي رسالي جي سڀني سُرن مان چونڊ بيت شامل ڪيا ويا آھن. ڪتاب ۾ ڊاڪٽر اينيمري شمل، ڊاڪٽر ارنيسٽ ٽرمپ، ڊاڪٽر گربخشاڻي، ڪلياڻ آڏواڻي، ايڇ ٽي سورلي، محمد ابراھيم جويي، ٻلديو تاراچند ۽ ھري دلگير جا لطيف سائينءَ جي رسالي ۽ شاعريءَ بابت مضمون پڻ شامل ڪيل آھن.