شاھ جو رسالو (الف – ب وار)
ھي رسالو ان ڪري منفرد آھي جو ھن ۾ شاھ عبداللطيف ڀٽائيءَ جي ڪلياڻ آڏواڻي واري رسالي جي ڪلام کي الف – ب وار ترتيب سان پيش ڪيو ويو آھي، جنھن ۾ ڪو بہ بيت ۽ ان جو حوالو (سُر يا داستان) آسانيءَ سان معلوم ڪري سگهجي ٿو. ھر بيت جي ھيٺان سُر جو نالو، داستان نمبر ۽ بيت نمبر ڏنل آھن. ترتيب ڊڪشنريءَ جي طرز تي لغوي انداز سان رکي وئي آھي. سنڌي ٻوليءَ جي سڀني اکرن مان ھر اکر جا پھريائين بيت، پوءِ وايون ۽ آخر ۾ ڏکين لفظن جي معنيٰ ڏنل آھي.