سنڌ سلامت ڪتاب گهر پاران نامياري سياستدان، دانشور ۽ اديب سائين جي ايم سيد جي تصوف جي نظريي بابت ڪتاب ”تصوف عشق ۽ سائين جي ايم سيد“ پيش آھي، جنھن جو ليکڪ الطاف ملڪاڻي آھي.

جي ايم سيد لکيو آھي تہ ”آئون تصوف جي نظريي کي سچ جو گلدستو سمجهان ٿو جنھن ۾ سڀني رنگن ۽ خوشبوئن جا سھڻا ۽ خوبصورت گل ڪٺا ٿيا آھن.“ ھن ڪتاب ۾ تصوف ۽ عشق جي عالمگير پيغام کي سائين جي ايم سيد جي فڪر جي روشنيءَ ۾ دنيا کي پيغامِ سنڌ سمجهائڻ جي ڪوشش ڪيل آھي. ھن ڪتاب ۾ موجود پيغام آزادي، امن، انصاف، سونھن، سچ، عشق ۽ اتحاد انسانيءَ جو اعليٰ آدرش آھي ۽ نفرت، نفاق ۽ غلامي جي اونداھيءَ کي ختم ڪندڙ روشنيءَ مثل آھي. 

 ھي ڪتاب 2005ع ۾ سنڌ بڪ ڪلب، نوابشاھ پاران ڇپايو ويو، جنھن جي اسڪين ڪاپي وتايي جي گهر جي سھڪار سان پيش ڪجي ٿي. 

مينيجنگ ايڊيٽر ( اعزازي )

سنڌ سلامت ڊاٽ ڪام

sulemanwassan@gmail.com

www.sindhsalamat.com

books.sindhsalamat.com