ھن ڪتاب ۾ خوش خير محمد ھيسباڻيءَ جا سنڌي بي ۽ ڪافيون، سرائيڪي بيت ۽ ڪافيون ۽ ھندي ڪلام شامل آھي.  ڊاڪٽر تنوير عباسي لکي ٿو: ”خوش خير محمد سنڌي توڙي سرائڪي ڪافين ۾ هڪ نئين اصلوب توڙي نئين تاثر جو اظھار ڪيو آهي. خير محمد هيسباڻيءَ جي ڪافين ۾ هر موضوع تي رومانيت جو وڻندڙ رنگ چڙهيل ملندو. خير محمد جي هر ڪافي مجاز جي رنگ ۾ رڱيل آهي. هن وٽ سونھن جو بيان سراپا تائين وڃيو پھچي. هن کي صوفياڻي فلسفي ۽ همہ اوست جي ڳوڙهن ۽ منجهيل مسئلن جي بيان ڪرڻ وقت بہ پرينءَ جا پار نظر ٿا اچن. اُتر توڙي لاڙ ۾ اُن اصلوب جي انتھا هن ئي شاعر وٽ نظر اچي ٿي.“