ھي ڪتاب ڪيوبا جي عظيم انقلابي اڳواڻ چي گويرا جي بوليويا جي ٻيلن ۾ ويڙھ دوران گذريل پل پل جي يادگيرين تي مشتمل آهي. ڪتاب ۾ چي گويرا ڪيوبا جي آزاديءَ لاءِ گوريلا ويڙھ دوران پاڻ تي گذريل حالتن کي چٽيو ويو آهي. ڪتاب جي مھاڳ ۾ فيڊل ڪاسترو لکي ٿو تہ: ”هي نوٽ چي واندڪائيءَ جي انھن مُلھائتين گهڙين ۾ لکيا آهن، جيڪي گوريلا اڳواڻ جي حيثيت سان، سورهيائيءَ واري جسماني پورهيي دوران ڪڏهن ڪڏهن کيس ملنديون هيون. سھپ کان ٻاهر مادي مصيبتن ۾ بہ هن جي طبيعت جو جوهر ٽڙندڙ هو ۽ هن جو پختو عزم ۽ انفرادي طريقہ ڪار پوري طرح پڌرو ٿيندو هو.“ ڊائريءَ ۾ روزمره جي واقعن جو تفصيلي تجزيو ڪيو ويو آهي.