سنڌسلامت پاران
سنڌ سلامت ڪتاب گهر پاران نامياري سياستدان سيد امداد محمد شاھ جي ڪالمن ۽ انٽرويوز تي مشتمل ڪتاب ”زندگي کليل ڪتاب“ اوھان اڳيان حاضر آھي، جنھن جو سھيڙيندڙ ماڻڪ ملاح آھي.
سيد امداد محمد شاھ عملي سياستدان ھئڻ سان گڏوگڏ نظرياتي طور بہ مضبوط شخصيت جا مالڪ آھن. اھوئي سبب آھي تہ جتي شاھ صاحب حقيقي جمھوريت لاءِ پاڻ پئي پتوڙيو آھي، اُتي وقت بہ وقت، سنڌ لاءِ، جمھوريت لاءِ گهڙجندڙ گهاٽن کي پنھنجين تقريرن، تحريرن ۽ انٽرويوز رستي پيش ڪري، ڪارڪنن کي مستقبل جي خدشن ۽ کُٽڪن کان آگاھ پئي ڪيو آھي تہ سندن سياسي ۽ نظرياتي رھنمائي پڻ ڪئي آھي. ھن ڪتاب ۾ سندس اھڙين لکڻين کي سھيڙي ڪتابي شڪل ۾ ڇپايو ويو آھي،
ھي ڪتاب 1999ع ۾ مارئي اڪيڊمي، سڪرنڊ پاران ڇپايو ويو، جنھن جي پي ڊي ايف ڪاپي وتايي جي گهر جي سھڪار سان حاضر آھي.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي