خالي آکيرو
نامياري شاعر سعيد ميمڻ جي شاعريءَ جو مجموعو ”خالي آکيرو“ اوھان اڳيان حاضر آھي. سعيد ميمڻ جو نانءُ سنڌي شاعريءَ ۾ اھم حوالي طور ڳڻيو وڃي ٿو. سعيد ميمڻ جي شاعريءَ ۾ اڪثر احساساتي ڪمال جون تشبيھون ۽ استعارا کيس پنھنجي ھمعصر توڙي اڳ ئي ٽھيءَ کان منفرد ۽ ممتاز ڪري بيھارين ٿيون. سندس رومانوي غزل، وايون، بيت، پنجڪڙا توڙي نثري نظم اکين مان رستو ٺاھي من پاتال ۾ پيوند ٿيڻ جي سگه سان سرشار آھن.