سنڌسلامت پاران
سنڌ سلامت ڪتاب گهر پاران نامياري اديب ۽ محقق ڊاڪٽر اياز قادريءَ جو تحقيق جي حوالي سان شاھ عبدالطيف ڀٽائيءَ جي ڪلام تي لکيل مقالن ۽ مضمونن جو ڪتاب ”مون مطالع سپرين“ پيش آھي.
ھن ڪتاب ۾ شاھ عبداللطيف ڀٽائيءَ جي ڪلام جو اڀياس مقالن ۽ مضمونن جي صورت ۾ لکيو ويو آھي، جيئن شاھ جي مجازي شاعري، شاھ جو رقيب، شاھ ۽ سنڌ جي سياست، شاھ جا پھاڪا، سارنگ جي سورمي، متو آھين مڇ، شاھ عبداللطيف ۽ ڪربلا جو قضيو ۽ ٻيا موضوع شامل آھن. ڪتاب ”مون مُطالع سُپرين“ شاھ لطيف جي گلستان جي چونڊ گلن جو مختصر گلدستو آھي جيڪو ليکڪ وڏي عقيدت سان شاھ جي حضور ۾ پيش ڪيو آھي.
ھي ڪتاب 1995ع ۾ شاھ عبداللطيف ڪلچرل سوسائٽي، ڪراچي پاران ڇپايو ويو، جنھن جي پي ڊي ايف ڪاپي صاحب خان سورھ ميراڻي جي سھڪار سان حاضر آھي.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي