سنڌسلامت پاران
سنڌ سلامت ڪتاب گهر پاران نامياري شاعر ۽ نثرنگار شيخ اياز جي يادگيرين جو ڪتاب ”ڪراچيءَ جا ڏينھن ۽ راتيون“ اوھان اڳيان آڻجي ٿو.
شيخ اياز صاحب ھي ڪتاب جولاءِ ۽ آگسٽ 1988ع ۾ لکيو آھي. ڪتاب ۾ يادگيريون، تاثر، سياست ۽ فلسفي جون ڳالھيون آھن. ساڳي وقت آخري حصي ۾ روسي ادب بابت لکيو اٿس. مھاڳ ۾ شيخ اياز لکيو آھي ”مون کي اهو ڏسي خوشي ٿي آهي تہ منهنجي محنت سجائي ٿي آهي، منهنجون تحريرون سنڌ جي نئين ۽ پراڻي نسل ۾ باھ وانگر ڦھلجي ويون آهن ۽ منھنجي ادبي حاصلات لاءِ ساڳيو احترام ۽ محبت اُڀري آئي آهي، جا ڏهاڪو سال اڳي هئي، بلڪ اُن جو اظھار اڳ کان بہ وڌيڪ ٿي رهيو آهي. جي منھنجو ادب اُن وقت سنڌ کي ڪم اچي سگهي، جنهن وقت سنڌ جو وجود ئي خطري ۾ هجي، تہ مون کي ان جي پرواھ نہ آهي تہ اُهو صدين تائين زنده رهي يا نہ“.
ھن ڪتاب جو پهريون ڇاپو 1989ع ۾ نيو فيلڊس پبليڪيشن پاران ڇپايو ويو. سنڌ حڪومت جي ثقافت کاتي پاران شيخ اياز جي ڪتابن کي ٻيھر ڇپائي پڌرو ڪيو ويو آهي. ان سلسلي ۾ چئن ڪتابن جي مجموعي مان هن ڪتاب جي اسڪين ڪاپي اوهان سان شيئر ڪجي ٿي.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي