سنڌسلامت پاران
سنڌ سلامت ڪتاب گهر پاران نامياري شاعر ۽ نثر نگار قمر شھباز جي ريڊيو ۽ ٽي وي لاءِ لکيل چونڊ ڊرامن جو مجموعو ”واچوڙن ۾ لاٽ“ اوھان اڳيان پيش آھي، جنھن جي سھيڙ، ترتيب ۽ چونڊ ڪرم الاھي چنا ڪئي آھي.
ھن ڪتاب ۾ قمر شھباز جا ٽي وي لاءِ لکيل ٽي ڊراما ۽ ريڊيو لاءِ لکيل 6 ڊراما شامل آھن. قمر شھباز جي بنيادي شھرت تہ ڪھاڻيڪار ۽ شاعر واري آھي پر سندس ڊراما نويس وارو روپ پڻ الڳ ئي سڃاڻپ رکي ٿو. سندس لکيل ڊرامن ۾ حقيقت جو گمان وڌيڪ لڳندو آھي. سندس ڪردار حقيقي ۽ جيئرا جاڳندا لڳندا آھن. سندس ڊرامن جي مڪالما بازي ۽ ڊائلاگن ۾ آبشارن جھڙي رواني ۽ تجسس ھوندو آھي.
ھي ڪتاب 1987ع ۾ سنگم پبليڪيشن، ڪراچي پاران ڇپايو ويو، جنھن جي پي ڊي ايف ڪاپي ايم ايڇ پنھور انسٽيٽيوٽ جي ٿورن سان اوھان سان شيئر ڪجي ٿي.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي