ھي ناول انگريزن جي دور جي سياسي، سماجي ۽ معاشي حالتن جي عڪاسي ڪري ٿو. ھي ناول ٻھراڙي جي ماحول ۾ پيش ايندڙ ڏکن ۽ ڏاکڙن کي ذھن ۾ رکي لکيو ويو آھي. ھي ناول ان دور جي سنڌ جي عڪاسي پڻ ڪري ٿو، جنھن دور ۾ سنڌ ۾ آبپاشي جي رٿا بندي ٿي رھي ھئي.  ھي ناول انھيءَ دور ۾ لکيل آ جڏهن ڪچي ۾ مالوند ماڻھن جا وڳ چرندا هئا ۽ ڪچي ۾ ڪنڌار ماڻھن جو وڏو نالو هوندو هو جڏهن تمام گهڻيون برساتون پونديون هيون ڪچا ٻڏندا هئا تـ اتي جي ماڻھن لاءِ سوين سانگَ رچي ويندا هئا، مال متاع لاءِ گاه، ڪاٺ، کئونر ۽ ماکي جام ٿيندي هئي. ڍنڍن، ڍورن مان مڇي ماري پيٽ گذران بـ ڪندا هئا ۽ ڪچي ۾ چڻا، مٽر، سرنھن، پلي پوکي سمورو ڪچو سرسبز بڻائي مال متاع لاءِ ۽ ڪچي جي ماڻھن لاءِ موجون ٿي وينديون هيون .