سنڌسلامت پاران
سنڌ سلامت ڪتاب گهر پاران سنڌي ادب جي ستاري، مشھور اديب ۽ محقق ڀيرومل مھرچند آڏواڻي جو لکيل ڪتاب ”وڏو سنڌي ويا ڪرڻ“ اوھان اڳيان پيش ڪجي ٿو.
سنڌي زبان جي جوڙجڪ ۽ ارتقا بابت جيڪو بنيادي ڪم ٿيو آھي، انھيءَ ڪم ۾ ڪاڪي ڀيرومل مھرچنداڻي جو شمار بنيادي سرون رکڻ وارن مان آھي. ھي ڪتاب پڻ ان سلسلي ۾ اھميت وارو آھي. گرامر جو ھي ڪتاب وچين ۽ وڏن ڪلاسن لاءِ ڪارائتو آھي. ھي ڪتاب چئن ڀاڱن ۽ 45 بابن ۾ ورھايل آھي. پھرين ڀاڱي ۾ صرف (22 باب)، ٻئي ڀاڱي ۾علم نحو (5 باب)، ٽين ڀاڱي ۾ علم اشتقاق (9 باب) ۽ ڇوٿين ڀاڱي ۾ رنگين زباني (9 باب) شامل آھن.
ھن ڪتاب جو پھريون ڇاپو 1925ع ۾ جڏھن تہ ٻيو ڇاپو انسٽيٽيوٽ آف سنڌ الاجي پاران 1985ع ۾ ڇپايو ويو، جنھن جي اسڪين ڪاپي صاحب خان سورھ ميراڻيءَ جي ٿورن سان شيئر ڪجي ٿي.
محمد سليمان وساڻ
مينيجنگ ايڊيٽر (اعزازي)
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ : ھن ڪتاب جي رڳو پي ڊي ايف ڪاپي موجود آھي.