بادل جماليءَ جي ڪھاڻين جا موضوع ڳوٺاڻي زندگيءَ جا بہ آهن تہ شھري زندگيءَ جا بہ آهن، سندس ڪھاڻين ۾ زرعي زندگي جي اوريجنلٽي بہ آهي تہ شھري زندگيءَ جون چمڪندڙ  مصنوعي روشنيون بہ آهن ۽ انھن روشنين پٺيان غضبناڪ اونداهي بہ آهي جيڪا شھري ماحول مان جنم وٺندي آهي. سندس ٻولي صاف، سٺي، وڻندڙ ۽ احساس کڻي ايندڙ آهي،  سندس ڪھاڻيءَ جي اڻت ڪھاڻيءَ جون مروج سڀ گهرجون پوريون ڪندڙ رهي آهي، جنھن ڪري سندس ڪھاڻيون سندس همعصرن توڻي کائنس پوءِ ايندڙ ۽ لکندڙ ڪھاڻيڪارن توڻي پڙهندڙن جي ذهنن ۽ دلين ۾ ياد رهجي ويون آهن،