محترمہ فاطمہ جناح پنھنجي ڀاءُ جي گهڻو ويجهو رھي. پاڻ 1954ع ۾ ھيڪٽر بولائٿو جي ڪتاب ”جناح“ ڇپجڻ کانپوءِ قائد اعظم جي سوانح لکڻ چاھي. ڪتاب ”جناح“ قائد اعم جي حقيقي تصوير پيش ڪرڻ ۾ ناڪام رھيو، تنھنڪري فاطمہ جناح ڳولا ڪئي تہ ڪو پاڪستاني مصنف ان قسم جو ڪتاب لکي، پر ان جي ناڪامي ٿي ۽ فاطمہ جناح جي انتقال کانپوءِ سندس تصنيف ٿيل ڪتاب ”قائد اعظم جناح –دي اسٽوري آف اي نيشن“ منظر عام تي آيو. ڪتاب ٽن بابن تي مشتمل آھي. پھريون باب قائد اعظم جي زندگيءَ جي آخري سال بابت آھي، ٻيو باب قائد اعظم جي خانداني پسمنظر ۽ ابتدائي زندگي بابت آھي. ٽيون باب قائد اعظم جي لنڊن ۽ بمبئي ۾ سندس رھائش ۽ تفصيلن تي مشتمل آھي. آخر ۾ ڪجهہ دستاويز پڻ شامل ڪيا ويا آھن.