سنڌسلامت پاران
سنڌ سلامت ڪتاب گهر پاران قومپرست سياستدان ۽، اديب عبدالخالق جوڻيجي جي لکيل آتم ڪٿا جو پھريون ڀاڱو ”پوري زندگي اڻپوري جدوجھد“ اوھان اڳيان آڻي رھيا آھيون.
پوري زندگي اڻپوري جدوجھد عبدالخالق جوڻيجي جي آتم ڪٿا جو لکيل پھريون ڀاڱو آھي جنھن ۾ 1995ع تائين جي ڪٿا شامل آھي. ھن ڪتاب ۾ سندس شروعاتي زندگي، تعليم ۽ سياست جي ميدان ۾ ڪيل جدوجھد کي نروار ڪيو ويو آھي. ھي ڪتاب سنڌ جي قومپرست سياست جي تاريخ جو اھم دستاويز آھي. خالق جوڻيجي جي لکيل يادگيريون پڙھندي اوھان کي لڳندو تہ اوھان تہ 50 سالن جي ھڪ دور جي سياسي تاريخ کي ڪنھن ڪھاڻيءَ جيان پڙھي رھيا آھيو. ھن ڪتاب ۾ قومي جدوجھد خاص ڪري سنڌ جي مک قومپرست سياسي تنظيم جيئي سنڌ جي اندروني تنظيمي جدوجھد، اڳواڻن جي ڪردار ۽ سائين جي ايم سيد جي شخصيت ۽ جدوجھد بابت تفصيل سان لکيو ويو آھي.
ھي ڪتاب 2016ع ۾ نئون نياپو اڪيڊمي، سچل ڳوٺ ڪراچيءَ پاران ڇپايو ويو، جنھن جي پي ڊي ايف ڪاپي شير علي چانڊيي جي سھڪار سان پيش آھي.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي