سنڌسلامت پاران
سنڌ سلامت ڪتاب گهر پاران نامياري ريڊيو ڪمپيئر، نثر نگار ۽ شاعر امين ارباب جي لکيل ريڊيائي افسانن جو مجموعو ”در کليو ئي رھيو“ اوھان اڳيان آڻي رھيا آھيون.
امين ارباب جو نالو ريڊيي جي دنيا جي مشھور نالن مان ھڪ آھي، جنھن پنھنجي منفرد ۽ دل لڀائيندڙ آواز ۽ خوبصورت اسڪرپٽ سبب ريڊيو ٻڌندڙن جي دل جو آواز آھن. ھي ڪتاب امين ارباب جي ريڊيائي افسانن نما ڪھاڻين تي مشتمل آھي، جنھن ۾ توھان کي وڇوڙي جو درد، ورھاڱي جو درد، پريميڪا سان دل جون ڳالھيون، پنھنجي ڌرتيءَ سان بي انت پيار، سنڌ جا منظر ملن ٿا.
ھن ڪتاب جو پھريون ڇاپو 2006ع ۾ ۽ ٻيو ڇاپو 2017ع ۾ ڪويتا پبليڪيشن، حيدرآباد پاران ڇپايو ويو، جنھن جي اسڪين ڪاپي شير علي چانڊيي جي سھڪار سان اوھان سان شيئر ڪجي ٿي.
محمد سليمان وساڻ
مينيجنگ ايڊيٽر (اعزازي)
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ : ھن ڪتاب جي رڳو پي ڊي ايف ڪاپي موجود آھي.