سنڌسلامت پاران
سنڌ سلامت ڪتاب گهر پاران گهوٽڪيءَ جي شاعرن جي گڏيل شاعريءَ جو مجموعو ”تارا تارا جهول ۾“ اوھان اڳيان آڻي رھيا آھيون. ڪتاب جا مرتب امر کھاوڙ ۽ دوست سومرو آھن.
ھن ڪتاب ۾ گهوٽڪيءَ جي 16 جديد شاعرن جي چونڊ شاعري شامل آھي، جنھن ۾ مختصر سوانحي خاڪا بہ ڏنا ويا آهن. هن مجموعي ۾ مفتون ڪورائي، مشتاق گبول، عطا قاضي، پريم پتافي، سڪندر مگسي، امر کھاوڙ، جميل سومرو، دوست سومرو، حق نواز شيراز چانڊيو، درگاهي گبول، مخمور ميراڻي، عاجز چاچڙ، فدا ملڪ، جبار بوزدار، عرفان لنڊ ۽ وسيم گبول جي شاعري شامل آهي. ڪتاب جو تفصيلي مھاڳ، برک شاعر، امداد حسينيءَ لکيو آهي، جنهن ۾ هن هر شاعر جي شاعريءَ جو تفصيلي جائزو ورتو آهي.
ھي ڪتاب 2013ع ۾ سنڌي ادبي سنگت ضلعي گهوٽڪي جي رابطہ سيڪريٽري پريم پتافيءَ پاران ڇپايو ويو. ڪتاب جي پي ڊي ايف ايم ايڇ پنھور انسٽيٽيوٽ جي سھڪار سان اوھان اڳيان آڻجي ٿي.
محمد سليمان وساڻ
مينيجنگ ايڊيٽر (اعزازي)
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ : ھن ڪتاب جي رڳو پي ڊي ايف ڪاپي موجود آھي.