گجر پائي گج (لوڪ گيت)
سنڌ جي تاريخ ۾ لوڪ گيتن جي ڪنھن بہ شاعر جو هي پھريون مڪمل ڪتاب آهي. ھن ڪتاب ۾ شامل لوڪ گيتن ۾ علي گل سانگيءَ لوڪ يا عوامي رنگ جي شاعريءَ جي اوتان اوت ڪئي آھي. رواني، سلاست، موسيقيت، سادگي ۽ سونھن علي گل سانگيءَ جي شاعريءَ جون خاص خوبيون آھن. سانگيءَ پنھنجي گيتن ۾ جن ڪردارن، ريتن رسمن، واقعن، مشاھدن ۽ قصن کي پنھنجي شاعريءَ جڳ مرڪز بڻايو آھي، سي سڀ اسان جي عوامي ۽ ٻھراڙيءَ واري دنيا جو عڪس پيش ڪن ٿا.