هن منفرد ناول ۾ هڪ شفيق پيءُ جي پنھنجي پُٽَ سان محبت، اُنسيت، ارپنا ۽ بيحد لڳاءَ جي خوبصورت عڪاسي نظر اچي ٿي. انور ابڙي جي هن ناول جي اهم ڪردار ”عنيق“ تي مشتمل هڪ اهڙي وارتا آهي، جيڪا ٻاروتڻ جي حرڪتن، معصوم انداز وارين ڳالھين ۽ ڊائلاگس کي ڏاڍي حساس انداز ۽ ويجهڙ کان محسوس ٿيندي. هُن جي هر ڳالھہ ۽ اهميت کي اجاڳر ڪيو آهي. ناول  ۾ ’عنيق‘ کي سنڌ جي تاريخي ماڳن؛ ڀٽ شاھ، قلندر جي درگاھ، ٿرپارڪر جي سئر کانسواءِ ڪراچيءَ جي تفريحي هنڌن جو سئر سفر ڏيکاريو ويو آهي، اُنھن جي اهميت ٻڌائي وئي آهي. ”ننڍڙو چنڊ“  ۾ ڳوٺاڻي زندگي ۽ شھري زندگيءَ ۾ فرق کان سواءِ پل پل جو احساس ڏياريو ويو آهي.