سنڌسلامت پاران
سنڌ سلامت ڪتاب گهر پاران نامياري ڪھاڻيڪار حميد سنڌيءَ جي چونڊ ڪھاڻين، مضمونن، مقالن، انٽرويوز، مھاڳن ۽ سندس شخصيت تي ھمعصر ليکڪن جي لکيل تاثرن تي مشتمل ڪتاب ”حميد سنڌي؛ ھڪ اڻٿڪ انسان“ اوھان اڳيان پيش آھي، جنھن جو مرتب نصير مرزا آھي.
سٺ جي ڏھاڪي ۾ سنڌي ادب جي کير ڌار ظاھر ٿي ھئي، جن مان حميد سنڌي پڻ ھڪ ھيو. ھو ھڪ بھترين ڪھاڻيڪار، وطن پرست ايڊيٽر، پرجوش مقرر ۽ بھترين منتظم ھيو. ھن اينٿالاجي مالھا جھڙي ڪتاب ۾ سندس ٽي خاص انٽرويوز، 4 چونڊ ڪھاڻيون، ھڪ ناٽڪ، 8 مقالا ۽ مضمون،، 2 چونڊ مھاڳ، حميد سنڌيءَ جي شخصيت ۽ فن تي لکيل تاثر ۽ مضمون ، حميد سنڌي جا لکيل تعزيتي تاثر ۽ ٻيو مواد شامل آھي.
ھيءُ ڪتاب سنڌي لينگئيج اٿارٽيءَ پاران 2016ع ۾ ڇپايو ويو، جنھن جي پي ڊي ايف ايم ايڇ پنھور انسٽيٽيوٽ جي ٿورن سان حاضر آھي.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي