وھي کاتي جا پنا
”وهي کاتي جا پنا“ سنڌي ادب جي هڪ منفرد آتم ڪٿا آهي. ” وهي کاتي جا پنا“ جي جيڪا بنيادي خوبي آهي,، سا ان جو افسانوي انداز بيان آهي. جيتوڻيڪ لڇمڻ بنيادي طور تي ھڪ شاعر آهي، پر هن پنھنجي آتم ڪٿا جي واقعن کي افسانوي رنگ ۾ پيش ڪري ان ۾ فنڪاراڻو حُسن پيدا ڪيو آهي ۽ ڪن مرحلن تي پنھنجي ذات کي ڌار ڪري افسانوي ڪردارن ذريعي پنھنجي زندگيءَ جو احوال پيش ڪيو آھي. ”وهي کاتي جا پنا “ هڪ مڪمل ۽ مستند تاريخ آهي، جنھن مان اسان ماضيءَ جي جهروڪن ۾ جهاتي پائي گهڻو ڪجهہ ڏسي سگهون ٿا: ورهاڱي وقت ٿيل ڏاڍ ڏمر، ڌرتي ڌڪاڻو ٿيڻ ! ۽ گهڻو ڪجهہ اسان کي ان تاريخ ۽ افساني ۾ ملي ٿو.