سنڌسلامت پاران
سنڌ سلامت ڪتاب گهر پاران نامياري محقق محمد امين جويي جي لکيل تحقيقي مضمونن تي مشتمل ڪتاب ”تحقيق جي ڀَري (حصو پھريون)“ اوھان اڳيان حاضر آهي.
ھن ڪتاب ۾ تعلقي خيرپور ناٿن شاھہ ۽ جوھي ۾ موجود چٽسالي ٿيل اڏاوتن جو مختصر جائزو ۽ ھاڻوڪي صورتحال پيش ڪيل آھي. امين جويي ھن ڪتاب ۾ شامل 9 مضمون ۽ تحقيق جو موضوع بڻيل ماڳ مڪان گهڻو ڪري دادو ضلعي ۽ ان جي سرحدن ۾ ايندڙ ڪاڇي جا ماڳ مڪان ۽ تاريخي واقعا آھن، جن ۾ پَٽ سليمان جو قبرستان، آراڙي جو قبرستان، پَرياڻي پيرن جو قبرستان، ڳوٺ ڳاڙھي، لشڪر خان لغاريءَ جو قبرستان، نئين گاج ڪناري کور/کوڙ وري جنگ، شاھان فقير رودناڻيءَ جو قبرستان، ٻُڌ ڌرم وارو ٺُلھہ ۽ ٻيا مڪان شامل آھن.
ھي ڪتاب 2021ع ۾ چانڊوڪي پبليڪيشن، واھي پانڌي _ حيدرآباد پاران ڇپايو ويو، جنھن جي پي ڊي ايف ڪاپي ايم ايڇ پنھور انسٽيٽيوٽ جي سھڪار سان اپلوڊ ڪري رھيا آھيون.
محمد سليمان وساڻ
مينيجنگ ايڊيٽر (اعزازي)
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي رڳو پي ڊي ايف ڪاپي موجود آھي