سنڌسلامت پاران
سنڌ سلامت ڪتاب گهر پاران نامياري محقق، آرڪيالاجسٽ ۽ نثرنگار اشتياق انصاريءَ جي جيل ڊائريءَ تي ٻڌل ڪتاب ”قيد ڪھاڻي“ اوھان اڳيان حاضر آهي.
وزيراعظم ذوالفقار علي ڀٽو جي دور ۾ 1976ع ۾ اشتياق انصاريءَ کي ٻين شاگرد اڳواڻن سان گڏ نوابشاھہ مان گرفتار ڪري جيل موڪليو ويو. سندن ڏوھہ اھو ھيو جو ھو ڪاليجن ۽ يونيورسٽين ۽ انھن ادارن جي ھاسٽلن تي قبضي خلاف ۽ سھوليتن جي گهُر ڪري رھيا ھيا. ھو ان قيد دوران نوابشاھہ، سينٽرل جيل خيرپور ۽ حيدرآباد ۾ قيد رھيو. ھن ڪتاب ۾ ان دور جي تاريخ، حقيقتن ۽ ان وقت جي حالتن جي زبردست عڪاسي ڪيل آھي. ساڳي وقت تحرير جي خوبصورت ۽ پسمنظر پڻ لاجواب آھن.
ھي ڪتاب 2020ع ۾ روشني پبليڪيشن، ڪنڊيارو پاران ڇپايو ويو، جنھن جي پي ڊي ايف ڪاپي ايم ايڇ پنھور انسٽيٽيوٽ جي سھڪار سان اپلوڊ ڪري رھيا آھيون.
محمد سليمان وساڻ
مينيجنگ ايڊيٽر (اعزازي)
سنڌ سلامت ڊاٽ ڪام
sulemanwassan@gmail.com
sindhsalamat.com
books.sindhsalamat.com
نوٽ: ھن ڪتاب جي رڳو پي ڊي ايف ڪاپي موجود آھي