ٿڪل سريت

هيءُ ڪتاب اصل ۾ البرتو موراويا (1907ع کان 1990ع) جي 11 ڪھاڻين تي مشتمل آهي، جن جو سنڌي ترجمو سنڌ جي مختلف ڪھاڻيڪارن ڪيو آهي، جيڪي مختلف رسالن ۽ ڪتابن ۾ ڇپجي چڪيون آهن. البرتو موراويا ڪافي ناول، ڪھاڻيون، ناٽڪ ۽ مضمون لکيا جيڪي اٽليءَ تي جرمن فاشزم جي قبضي جي پسمنظر ۾ لکيا ويا آھن. سندس ڪتابن تي بندش پڻ لڳي ۽ ھن فرضي نالن سان پڻ لکيو. ھن جبلن ۾ روپوش زندگي پڻ گهاري. موراويا پنھنجي رچنائن وسيلي جرمن ۽ اتحادي فوجين جي پيدا ڪيل بُک، خوف، زناڪاري ۽ نااميديءَ جي ڪوريئڙي-ڄار مان نڪرڻ ۽ پنھنجي وجود کي مڃائڻ جي جدوجھد ڪندو نظر اچي ٿو، جنھنجي جهلڪ ھنن ڪھاڻين ۾ پڻ ڏسي سگهجي ٿي.