گناھ جا گيت

اسحاق سميجو ھڪ سٺو رومانوي شاعر آھي، جنھن جي شاعري من کي وڻندي آھي. سندس شاعريءَ ۾ انڊلٺ جا سمورا رنگ سمايل لڳندا آھي. اسحاق جي شاعريءَ ۾ پنھنجي آسپاس، پنھنجي ماحول ۽ حالتن جو مشاھدو موجود آھي. اسحاق سماج جي بيرخي، ڏاڍ، ناانصافين کي قلم ذريعي نروار ڪري ٿو. شوڪت شورو لکي ٿو: ”مونکي ان ڳالھہ ۾ ڪو وڌاءُ نٿو لڳي تہ، اسحاق سميجي جي شاعري ھن وقت سنڌي شاعريءَ جي ھجوم ۾ واقعي ئي ھڪ نئين صدا وانگر آھي.“