اڳواڻ

سنڌ سلامت ڪتاب گهر پاران دنيا جي اھم سياسي اڳواڻن بابت اڳوڻي آمريڪي صدر رچرڊ نڪسن جي لکيل ساروڻين تي مشتمل ڪتاب Leaders ”اڳواڻ“ اوھان اڳيان آڻي رھيا آھيون، جنھن جو سنڌيڪار نواز خان زئور آھي.
ھن ڪتاب جو ليکڪ اڳوڻو آمريڪي صدر رچرڊ نڪسن Richard Milhous Nixon آھي، جيڪو ڪيترن ئي ڪتابن جي ليکڪ ھجڻ سان گڏ فوجي سپاھي، وڪيل ۽ سياستدان پڻ ھو. ھي ڪتاب 1982ع ۾ شايع ٿيو ھو. ھن ڪتاب ۾ نڪسن انھن شخصيتن تي لکيو آھي، جن سان سندس اقتدار وارن ڏھاڙن ۾ ھن جي نہ رڳو ميل جول رھي، پر جن کان ھو گهڻو متاثر ٿيو. ھن ڪتاب ۾ نڪسن اڳواڻ جي صلاحيتن ۽ اھليتن تي پڻ تفصيلي بحث ڪيو آھي.  
ھي ڪتاب 2017ع ۾ روشني پبليڪيشن، ڪنڊيارو  پاران ڇپايو ويو. ڪتاب جي اسڪين ڪاپي ايم ايڇ پنھور انسٽيٽيوٽ آف سنڌ اسٽيڊيز جي سھڪار سان پيش آھي.

محمد سليمان وساڻ
مينيجنگ ايڊيٽر (اعزازي)
سنڌ سلامت ڊاٽ ڪام
sulemanwassan@gmail.com
sindhsalamat.com
books.sindhsalamat.com

نوٽ: ھن ڪتاب جي رڳو پي ڊي ايف ڪاپي موجود آھي