ھن ڪتاب ۾ 1011ع 1351ع تائين جي دور جي تصوير ڪشي ٿيل آھي. ھن ڪتاب ۾ آيل تحقيق مطابق سومرن جي دور کي ختم ٿئي اٽڪل ساڍا ڇھہ سئو سال لنگهي ويا آھن، پر اڄ تائين ھن دور بابت ڏند ڪٿائن ۽ سومرن کي زوريءَ عرب بڻائڻ بابت ڪھاڻين جي ٻن چئن ڪتابن کانسواءِ ڪو تاريخي مواد اچي ناھي سگهيو. ھن ڪتاب ۾ ستر نقشا ۽ 654 تصويري سمجهاڻيون آھن. ڪتاب ۾ سومرا دور جي اجڙيل شھرن مان لڌل شين بابت سمجهاڻيون پڻ ڏنل آھن. ان دور جي ريتن رسمن، لوڪ ادب، ناڻي جي ڄاڻ، سڪن ۽ مُھرن، اڏاوتن، واپر، مذھب ۽ عقيدن سميت وڏو مواد ڏنل آھي. ڪتاب ۾ موجود تحقيق ڪيترن ئي مروج قصن کي رد ڪري ٿي.