ڪراچيءَ جا لافاني ڪردار (ڀاڱو پھريون)
گل حسن ڪلمتيءَ جو پنھنجي ماتر ڀومي ڪراچيءَ سان عشق لاءِ ڪنهن بہ دليل ۽ حوالي جي ضرورت ناهي، ڇو تہ سندس تحريرن ۽ سوچن جو محور ئي ڪراچي آهي. گل حسن ڪلمتي پنهنجي روين ۾ وڏو سادگيءَ وارو ۽ رواجي ماڻھو آهي پر تحقيق، تخليق ۽ تخيل ۾ هو هڪ وڏو ماڻھو آهي، جنھن ”ڪراچي سنڌ جي ماروي“ لکي پنھنجو نالو سنڌ جي چوٽيءَ جي ليکڪن ۽ تاريخدانن ۾ لکايو آهي. هن ڪتاب ۾ ڪراچيءَ جا لڳ ڀڳ 25 عظيم ۽ لافاني ڪردار پنھنجو پاڻ ادارن جي حيثيت ۾ موجود آهن، اهي ڪردار اڻوسرندڙ ۽ ادارن جا خالق آهن، جن ڪراچيءَ کي ٺاھيو ۽ سنواريو آھي. جنکي پنھنجي شھر جي مانَ، مرتبي ۽ مالڪيءَ جو احساس ھوندو ھو. گل حسن ڪلمتيءَ ڪراچي جي تاريخ جي سڀني ڪردارن، جيڪي مختلف مذهبن سان واسطو رکن ٿا، سڀني کي هيرو ڪري پيش ڪيو آهي