دل جون ڳالھيون
هري دلگير لکي ٿو، ”موتي پرڪاش انهن ڳاڻ ڳڻين نوجوان اديبن مان آهي، جن جي سر تي سھرو آهي هندستان ۾ سنڌي ساهتيہ کي ٻوسٽ جي موت کان نجات ڏيڻ جو ۽ سندس بچاءَ ڪرڻ جو“۔ موتي ترقي پسند اديب آهي، هن ڀارت ۾ ترقي پسند تحريڪ ۾ سرگرمي سان حصو ورتو آهي. سندس انداز بيان سليس، سادو ۽ وڻندڙ آهي. ائين پيو لڳي ڄڻ جادوگري ڪري، نثر کي نظم بنائي ڇڏيو اٿس. سندس لکيل گيت ”آنڌيءَ ۾ جوت جلائڻ وارا سنڌي ۽ سون کي خاڪ بنائڻ وارا سنڌي“ تمام گهڻو مشهور آهي.